آصف علی زرداری کا سندھ میں بلدیاتی الیکشن میں پی پی پی کی تاریخی کامیابی پر اظہار تشکر

0
782

اسلام آباد (این این آئی)سابق صدر آصف علی زرداری نے سندھ میں بلدیاتی الیکشن میں پی پی پی کی تاریخی کامیابی پر اظہار تشکر کیا ہے ۔ اپنے بیان میں سابق صدر نے کہاکہ بلدیاتی انتخابات میں جیالوں کی کامیابی عوام کی کامیابی ہے، پی پی پی کی بلدیاتی انتخابات میں تاریخی کامیابی عوام کے اعتماد کا عکاس ہے۔ انہوںنے الیکشن میں کامیاب ہونے والے امیدواروں اور ان کی کامیابی کو یقینی بنانے والے جیالوں کو مبارک باد دی ۔ سابق صدر نے کہاکہ پارٹی عہدیداران و کارکنان کی محنت اور عزم کا یہ تسلسل ملک میں عوام کی فیصلہ کن فتح کی نوید ثابت ہوگی۔ انہوںنے کہاکہ جیالو، بلدیاتی انتخابات کے دوسرے مرحلے کے لیے بھی کمر کس لو، فتح آپ کی منتظر ہے۔ آصف علی زر داری نے کہاکہ پیپلز پارٹی عوام کے بلدیاتی مسائل حل اور اداروں کو بااختیار بنانے کے لیے پرعزم ہے۔