سندھ بلدیاتی انتخابات کا دوسرامرحلہ ملتوی کرنے کیلئے ایم کیوایم کا الیکشن کمیشن کو خط

0
964

اسلام آباد (این این آئی)سندھ میں بلدیاتی انتخابات کا دوسرامرحلہ ملتوی کرنے کیلئے ایم کیوایم نے الیکشن کمیشن کو خط لکھ دیا۔میڈیا رپورٹ کے مطابق بلدیاتی انتخابات سے متعلق متحدہ قومی موومنٹ نے الیکشن کمیشن کو خط لکھ دیا جس میں کہا گیا کہ سندھ میں بلدیاتی انتخابات کا دوسرامرحلہ ملتوی کیا جائے،کورونا کیسز میں اچانک اضافہ ہو رہا ہے۔ خط میں کہا گیا کہ سندھ میں حلقہ بندیاں بھی قانونی طور پر ٹھیک نہیں ہیں۔ اسلئے بلدیاتی انتخابات ملتوی کئے جائیں،الیکشن ووٹر لسٹوں کی حتمی فہرست اور کورونا کیسز میں کمی تک سندھ بلدیاتی انتخابات موخر کیے جائیں۔