اسلام آباد(این این آئی)نادرا نے ملک کی تمام سیاسی جماعتوں کو انتخابی فہرستوں پر اپنی رائے پیش کرنے کے لئے اجلاس میں مدعو کرلیا۔نادرا ذرائع کے مطابق چیئرمین نادرا طارق ملک نے 150 سیاسی جماعتوں کو خط لکھ دیا،نادرا ہیڈ کوارٹر میں اگلے عام انتخابات کے لیے حتمی انتخابی فہرستوں کی تیاری میں اتھارٹی کے کردار کے لیے مدعو کر لیا۔ذرائع کے مطابق چیئرمین نادرا نے سیاسی جماعتوں کو مدعو کرنے سے متعلق چیف الیکشن کمشنر کو آگاہ کیا۔ذرائع کے مطابق الیکشن کمیشن نادرا کی جانب منعقد کردہ اجلاسوں میں اپنا نمائندہ بھی بھیجے گا۔نادرا ذرائع کے مطابق سیشن میں ایک انٹرایکٹو سیشن میں سوالات اور تحفظات پیش کرنے کے لیے نمائندے نامزد ہو گا۔ذرائع کے مطابق اجلاس کا مقصد حتمی انتخابی فہرستوں کی تیاری اور نادرا کا اس حوالے سے کردار پر اتفاق رائے پیدا کیا جانا ہے،سیشن کے دوران نادرا تمام سیاسی اسٹیک ہولڈرز کی طرف سے اٹھائے گئے مخصوص سوالات اور خدشات کا بھی جواب دے گا۔ذرائع کے مطابق خط میں کہاگیاکہ خط میں سیاسی جماعتوں سے مناسب تاریخ اور شرکاء کی فہرست مانگی گئی ہے۔خط میں چیئرمین نادرانے کہا کہ نادرا کمپیوٹرائزڈ انتخابی فہرستوں کی تیاری کیلئے 2011 سے الیکشن کمیشن کی مدد کر رہا ہے۔چیئرمین نادرا نے خط میں بتایا کہ آئین کے آرٹیکل 219 کے تحت الیکشن کمیشن آف پاکستان انتخابی فہرستوں کی تیاری اور ووٹرز کے اندراج کا مجازہے۔
