اسلام آباد (این این آئی)صدر مملکت عارف علوی اور وزیراعظم شہباز شریف نے سابق سینیٹر اور پیپلز پارٹی کے رہنما کرنل (ر) طاہر حسین مشہدی کی وفات پر رنج و غم اور افسوس کا اظہار کرتے ہوئے کہاہے کہ کرنل (ر) طاہر حسین مشہدی کی ملک و قوم کے لئے خدمات تادیر یاد رکھی جائیں گی ۔ اپنے بیان میں وزیر اعظم نے کہاکہ طاہر حسین مشہدی مختلف موضوعات پر کھل کر اپنا موقف بیان کرتے تھے ۔انہوںنے کہاکہ اللہ تعالیٰ مرحوم کو جنت الفردوس میں اعلی مقام عطا فرمائے اور لواحقین کو صبر جمیل دے۔ آمین۔صدر مملکت ڈاکٹر عارف علوی نے سابق سینیٹر طاہر مشہدی کی وفات پر گہرے دکھ اور افسوس کا اظہار کیا ۔صدر مملکت نے ان کے درجات کی بلندی کے لیے دعا کی ۔صدر مملکت نے ان کے گھر والوں سے اظہار تعزیت کیا ۔
