واشنگٹن(این این آئی)امریکہ میں پاکستانی سفیر مسعود خان نے چیئرمین امریکی سینٹ آرمڈ سروسزکمیٹی سینیٹر جیک ریڈ سے امریکی سینٹ میں ملاقات کی جس میں دوطرفہ تعلقات سمیت مختلف امورپر تبادلہ خیال کیا گیا ۔جاری اعلامیہ کے مطابق سینٹر جیک ریڈ گذشتہ دو دہائیوں میں سینٹ کے کلیدی عہدوں پر فائض رہے ہیں اور اب سینٹ کی اہم ترین آرمڈ سروسز کمیٹی کے سربراہ ہیں۔ اس کے ساتھ ساتھ وہ انٹیلی جنس، مختصات اور بنکنگ کمیٹیوں کے بھی ممبر ہیں۔ سینیٹر جیک ریڈ کئی دفعہ پاکستان کا دورہ کر چکے ہیں۔ سفیر پاکستان نے سینیٹر جیک ریڈ کو علاقائی سیکیورٹی اور افغانستان کی صورتحال بشمول ہمسایہ ملک میں استحکام اور خوشحالی کے لئے فضا قائم کرنے کے حوالے سے کی جانے والی کوششوں پر بریف کیا۔ سفیر پاکستان نے کہا کہ معاشی استحکام اور ترقی پاکستان کی اولین ترجیح ہے۔ انہوںنے کہاکہ امریکہ کے ساتھ روابط نے نئے مواقع پیدا کیے ہیں اور دونوں ممالک اپنے سات دہائیوں پر مشتمل کثیر جہتی تعلقات کو مزید مضبوط کرنے کے لئے کام کر رہے ہیں۔سفیر پاکستان نے کہا کہ پاکستان اور امریکہ کے درمیان قریبی دفاعی تعلقات رہے ہیں اور ان تعلقات کو مزید مضبوط کرنے کے خواہاں ہیں۔ انہوں نے کہا کہ پاکستان امریکی ٹیکنالوجی سے استفادہ کرتا رہا ہے جو کہ مستقل بنیادوں پر تعاون کا متقاضی ہے۔اس کے ساتھ ساتھ نئے مواقع بھی تلاش کیے جا سکتے ہیں۔ ہماری افواج کے درمیان باہمی روابط رہے ہیں
