اسلام آباد (این این آئی)وفاقی وزیر آئی ٹی سید امین الحق نے کہا ہے کہ آرٹیفیشل انٹیلی جنس، کلاؤڈ سروسز، ڈیجیٹل کنکٹیویٹی میں شنگھائی تنظیم کیساتھ کام کرنے کے خواہشمند ہیں،پاکستان اپنے ماہرین، بہترین سہولیات اور ٹائم زون کے لحاظ سے رکن ممالک کیلئے ڈیجیٹل حب بن سکتا ہے۔جمعرات کو وفاقی وزیر آئی ٹی سید امین الحق سے شنگھائی تعاون تنظیم کے سیکرٹری جنرل ژانگ منگ نے ملاقات کی ،ملاقات میں وزارت آئی ٹی و ٹیلی کام اور شنگھائی تعاون تنظیم سیکرٹریٹ بیجنگ کے مابین براہ راست رابطوں پر اتفاق کیا گیا ۔ وفاقی وزیر نے سیکریٹری جنرل کو انفارمیشن ٹیکنالوجی و ٹیلی کمیونیکیشن کے شعبے میں کئے گئے اقدامات سے آگاہ کرتے ہوئے کہا کہ آرٹیفیشل انٹیلی جنس، کلاؤڈ سروسز، ڈیجیٹل کنکٹیویٹی میں شنگھائی تنظیم کے ساتھ کام کرنے کے خواہشمند ہیں۔ انہوں نے کہا کہ پاکستان اپنے ماہرین، بہترین سہولیات اور ٹائم زون کے لحاظ سے رکن ممالک کیلئے ڈیجیٹل حب بن سکتا ہے۔آئی ٹی و ٹیلی کام شعبے میں نمایاں اقدامات پر سیکرٹری جنرل شنگھائی تعاون تنظیم نے وفاقی وزیر کو خراج تحسین پیش کرتے ہوئے کہا کہ ڈیٹا پروٹیکشن، خواتین کو بااختیار بنانے،پسماندہ علاقوں تک براڈ بینڈ سروسز فراہمی کے اقدامات قابل ستائش ہیں،ژانگ منگ نے کہا کہ اکستان نوجوان ٹیکنالوجی ماہرین اور جغرافیائی لحاظ سے رکن ممالک میں اہم حیثیت رکھتا ہے۔ انہوں نے کہا کہ رکن ممالک آرٹیفیشل انٹیلی جنس، پسماندہ علاقوں میں ای ایجوکیشن، ای ہیلتھ ای کامرس میں کام کرسکتے ہیں۔
مقبول خبریں
پاکستان اور امریکہ کے درمیان زراعت کے شعبے میں دیرینہ تعلقات ہیں،دونوں ممالک کی...
لاس اینجلس/کیلیفورنیا(این این آئی)امریکہ میں پاکستانی سفیر مسعود خان نے کہا ہے کہ پاکستان زراعت کے شعبے کو جدید خطوط پر استوار کرنے ،...
پاکستان حج اینڈ عمرہ ایگزیبیشن 2024 پہلی اور منفرد حج و عمرہ نمائش اور...
اسلام آباد (این این آئی)پاکستان حج اینڈ عمرہ ایگزیبیشن 2024 پہلی اور منفرد حج و عمرہ نمائش اور ٹریننگ کا انعقاد فیصل مسجد...
پارکس اینڈ ہارٹیکلچر اتھارٹی راولپنڈی کے زیر انتظام جشن بہاراں میلہ دس مئی سے...
راولپنڈی(این این آئی) پارکس اینڈ ہارٹیکلچر اتھارٹی راولپنڈی کے زیر انتظام علامہ اقبال پارک مری روڈ میں جشن بہاراں میلہ2024 ،10 مئی سے شروع...
ویٹرنری انسٹی ٹیوٹس کے مسائل سے آگاہ ،درپیش مسائل کو ترجیحی بنیادوں پر حل...
اسلام آباد (این این آئی) وفاقی وزیر احسن اقبال نے کہا ہے کہ وہ ویٹرنری انسٹی ٹیوٹس کے مسائل سے آگاہ ہیں،درپیش مسائل کو...
نیو گوادر انٹرنیشنل ایئرپورٹ کے جدید رہائشی کمپلیکس کی تعمیر مکمل
گوادر(این این آئی)نیو گوادر انٹرنیشنل ایئرپورٹ کی فنشنگ کا کام تیزی سے جاری ہے،چائنہ ایئر پورٹ کنسٹرکشن کمپنی(سی اے سی سی)نے ماڈرن...