اسلام آباد(این این آئی)وزیر اعظم شہباز شریف نے کہاہے کہ نشان حیدر یافتہ پائلٹ آفیسر راشد منہاس نے نوجوانوں کے لیے جرات، بہادری و فرض شناسی کی مثال قائم کی ہے۔منگل کو جاری بیان کے مطابق وزیراعظم محمدشہبازشریف نے پائلٹ آفیسر راشد منہاس نشان حیدر کے 53ویں یومِ شہادت پر انہیں خراج عقیدت پیش کیاہے۔وزیر اعظم شہبازشریف نے کہاکہ راشد منہاس شہید نے جان کی قربانی دے کر دشمن کے ناپاک عزائم کو خاک میں ملا دیا۔شہبازشریف نے کہاکہ راشد منہاس شہید کی فرض شناسی، بہادری نوجوانوں کیلئے مثال ہے۔وزیر اعظم نے کہا کہ مجھ سمیت پوری قوم پاک فضائیہ کے اس بہادر سپوت کو سلام پیش کرتی ہے۔
