اسلام آباد (این این آئی)ٹی 20 فارمیٹ کے سابق کپتان، قومی کرکٹ ٹیم کے کھلاڑی شاہین شاہ آفریدی نے اپنے یہاں بیٹے کی ولادت کے بعد سوشل میڈیا پر پہلی تصویر اور پیغام شیئر کیا ہے۔شاہین آفریدی کی سوشل میڈیا پلیٹ فارم انسٹاگرام پر شیئر کی گئی نئی پوسٹ میں کرکٹر، اہلیہ اور نوزائیدہ ننھے مہمان کا ہاتھ دیکھا جا سکتا ہے۔شاہین آفریدی نے اپنی اس پوسٹ کے کیپشن میں لکھا ہے کہ اس لمحے نے سب کچھ بدل دیا، میرا دل اور زندگی اب اور بہتر ہو گئی ہے، 24 اگست کی تاریخ میرے لیے ہمیشہ اسپیشل رہے گی۔شاہین آفریدی نے لکھا کہ میں اپنی بیگم کا شکریہ ادا کرتا ہوں، وہ ہماری اس چھوٹی سی فیملی کا سپورٹ سسٹم ہیں، مبارکباد اور دعائیں کرنے پر سب کا شکریہ۔یاد رہے کہ شاہین آفریدی بیٹے کی پیدائش کے بعد گزشتہ رات کراچی چلے گئے تھے، شاہین آفریدی (کل) منگل کو اسلام آباد پاکستان ٹیم کو جوائن کریں گے۔قومی ٹیم کا (کل) منگل کو آپشنل ٹریننگ سیشن شیڈول ہے۔
ٹی 20 فارمیٹ کے سابق کپتان، قومی کرکٹ ٹیم کے کھلاڑی شاہین شاہ آفریدی نے اپنے یہاں بیٹے کی ولادت کے بعد سوشل م){kind=link}