نئی دہلی(این این آئی) بھارت نے پاکستان کے ساتھ بلا تعطل بات چیت کے دور کے خاتمے کا اعلان کر دیا۔غیرملکی میڈیاکے مطابق پاکستان نے شنگھائی تعاون تنظیم کے آئندہ اجلاس میں بھارتی وزیر اعظم نریندر مودی کو باضابطہ مدعو کیا تو ایک دن بعد ہندوستان کے وزیر خارجہ نے یہ اعلان کیاکہ پاکستان کے ساتھ بلا تعطل مذاکرات کا دور ختم ہو چکا ہے،آپ جو کچھ کرتے ہیں اس کے نتائج تو برآمد ہوں گے۔ دہلی میں ایک کتاب کی رونمائی کے موقع پر خطاب کرتے ہوئے بھارتی وزیرخارجہ جے شنکر کہاکہ اب سوال یہ ہے کہ ہم پاکستان کیساتھ کس قسم کے تعلقات استوار کر سکتے ہیں،کیا ہندوستان چیزوں کی موجودہ رفتار سے جاری رکھنے پر راضی ہے؟ شاید ہاں شاید نہیں، میں بس یہ کہنا چاہتا ہوں کہ ہم سوئے ہوئے نہیں ہیں، چاہے معاملات منفی سمت میں جائیں یا پھر مثبت سمت میں، بھارت جواب دے گا۔مقبوضہ کشمیر کے حوالے سے بھارتی وزیر خارجہ جے شنکر نے کہاکہ جموں و کشمیر کا مسئلہ اب آرٹیکل تھری سیونٹی نے ختم کر دیا ہے۔
 بھارت نے پاکستان کے ساتھ بلا تعطل بات چیت کے دور کے خاتمے کا اعلان کر دیا۔غیرملکی میڈیاکے مطابق پاکستان){kind=link}