مظفرآ باد/کوٹلی(این این آئی)قائدمسلم کانفرنس سردارعتیق احمدخان ایک روزہ دورہ پر کوٹلی پہنچ گئے، کارکنان مسلم کانفرنس نے شاندار استقبال کیا، کوٹلی میں مسلم کانفرنسی کارکنان کے سینئر عہدیداران و کارکنان سے ملاقاتیں کیں۔ملاقاتوں میں بلدیاتی الیکشن اور جماعت کی تنظیم سازی کو مکمل کرنے کی ہدایات جاری کیں۔اس موقع پر قائدمسلم کانفرنس سردار عتیق احمدخان نے کہا کہ مسلم کانفرنس سے عوام کی امیدیں وابستہ ہیں ہر دور میں جماعت کے خلاف سازشیں ہوتی رہیں،لیکن اللہ پاک نے ہمیشہ مسلم کانفرنس کو سرخروح کیا ہے ۔مسلم کانفرنس تحریک آزادی کی شت بان ہے اور ہر فورم پر کشمیر کے مسئلہ کیلئے آواز بلند کرے گی ۔قائدمسلم کانفرنس نے مزید کہا کہ مسلم کانفرنس ہمارے آباؤاجداد کا ورثہ ہے س کی حفاظت اور آبیاری کیلئے تمام تر صلاحتیں بروئے کار لائیں گے۔ آزاد کشمیر کے آمدہ بلدیاتی انتخابات میں مسلم کانفرنس بھر پور طریقے سے حصہ لے رہی ۔جماعت کی مضبوطی کیلئے پولنگ سٹیشنوں کی سطح سے تنظیم سازی کی جارہی ہے مشکلات کا ڈٹ کر مقابلہ کرنا ہی کامیابی کا زینہ ہے مشکل ترین حالات میں بھی کارکنوں کا جماعت کے ساتھ کھڑا رہنا قابل دید ہے ۔وہ کارکن جو جماعت کے ساتھ مشکل وقت میں کھڑے رہے وہ ہمارا قیمتی اثاثہ ہیں۔انہوں نے کہا کہ مسلم کانفرنس کے کنوینئر ز جلد از جلد مسلم کانفرنس کی تنظیم سازی کو مکمل کریں نئی تنظیموں میں اس بات کا خاص حیال رکھا جائے کہ تمام برادریوں اور علاقوں اور مکاتب فکر نمائندگان کو یکساں نمائندگی دی جائے ۔جماعت کو فعال بنانے کیلئے ضروری ہے کہ تنظیمی سٹریکچر مضبوط ہو اور تمام کارکنوں کو کام کرنے کا موقع دیا جائے ۔انہوں نے کہا کہ مسلم کانفرنس نظریاتی جماعت ہے اس کا تنظیمی ڈھانچہ پولنگ اسٹیشن تک ہے۔ ہم نے فیصلہ کیا کہ کارکنوں کی سہولت کے لیے ضلعی اور سٹی سطح پر پارلیمانی بورڈ ز بنادیے ہیں اور ان کے چیئرمینوں کاتقرر بھی کردیاگیا ہے جن کی نگرانی جماعت کا مرکزی پارلیمانی بورڈ کررہا ہے۔ لوکل ممبرز کے لیے درخواستیں ضلعی و سٹی پارلیمانی بورڈ وصول کرے گا۔ جبکہ ممبر ضلع کونسل کے لیے درخواستیں مرکزی پارلیمانی بورڈ وصول کرے گا
