کراچی(این این آئی)وزیراعلی سندھ سید مراد علی شاہ سے ایران کے قونصل جنرل حسن نورین اور وائس قونصل جنرل علی خوشرو نے منگل کو ملاقات کی۔وزیر داخلہ سندھ ضیاء الحسن النجار، وزیرجیل خانہ جات علی حسن زرداری، سیکرٹری داخلہ اقبال میمن،سیکرٹری قانون اور دیگر بھی ملاقات میں شریک ہوئے۔ملاقات میں دوطرفہ تعلقات، باہمی دلچسپی کے امور اور تجارت کے فروغ پر بات چیت کی گئی۔ترجمان وزیراعلیٰ سندھ کے مطابق اس موقع پر سید مراد علی شاہ نے کہاکہ ایران کے ساتھ ہمارے تاریخی اور ثقافتی تعلقات ہیں۔ دونوں ممالک میں تعلقات مزید مستحکم اور مضبوط ہو رہے ہیں۔ایرانی قونصل جنرل نے وزیراعلی سندھ کو آگاہی دی کہ اسوقت دونوں ممالک میں 2 بلین ڈالرز کی تجارت ہے، ہم چاہتے ہیں کہ دوطرفہ تجارت کو 3 بلین ڈالرز کیا جائے۔وزیراعلیٰ سندھ نے کہاکہ سندھ سے گوشت، پھل خاص طور پر سندھڑی آم اور لاڑکانہ کے امرود ایران برآمد ہو سکتے ہیں۔ملاقات میں وزیراعلی سندھ اور ایرانی قونصل جنرل کے درمیاں دونوں ممالک کے تجارتی وفد ایکسچینج کرنے پربھی اتفاق کیاگیا۔ ایرانی قونصل جنرل نے بتایاکہ ایران ثقافتی فیسٹیول کر رہا ہے،یہ ثقافتی فیسٹیول نومبر میں منعقد کیا جائے گا۔انہوں نے وزیراعلی سندھ کو فیسٹیول میں شرکت کی بھی دعوت دی۔ملاقات میں کراچی تا چابہارکے درمیاں فیری (کشتی)سروس شروع کرنے پر بھی بات چیت کی گئی۔وزیراعلیٰ سندھ نے کہاکہ اگر فیری سروس شروع ہو جاتی ہے تو زائرین اور طلبہ کو سہولت میسر ہوگی
مقبول خبریں
26 ویں آئینی ترمیم سے عام آدمی کو عدالتوں سے جلد انصاف ملے گا،...
اسلام آباد (این این آئی)وزیراعظم میاں محمد شہباز شریف نے کہا ہے کہ 26 ویں آئینی ترمیم پاکستانی عوام کی ترقی و خوشحالی...
وزیراعلی سندھ سے ایران کے قونصل جنرل اور وائس قونصل جنرل کی ملاقات
کراچی(این این آئی)وزیراعلی سندھ سید مراد علی شاہ سے ایران کے قونصل جنرل حسن نورین اور وائس قونصل جنرل علی خوشرو نے منگل کو...
مقبوضہ کشمیر، بھارتی فورسز کے اہلکاروں کی بڑے پیمانے پر چھاپے اورتلاشی کی کارروائیاں
سرینگر(این این آئی)غیر قانونی طورپر بھارت کے زیر قبضہ جموں وکشمیر میں بھارتی فورسز کے اہلکاروں نے بدنام زمانہ بھارتی تحقیقاتی ادارے این آئی...
سندھ ہائیکورٹ میں 26 ویں آئینی ترمیم کو چیلنج کر دیا گیا
کراچی(این این آئی)سندھ ہائیکورٹ میں 26 ویں آئینی ترمیم کو چیلنج کر دیا گیا۔سندھ ہائیکورٹ میں الٰہی بخش ایڈووکیٹ نے 26ویں آئینی ترمیم...
جو بائیڈن کی ایران پر حملے کے اسرائیلی پلان پر گفتگو اشتعال انگیز ہے،...
تہران ( این این آئی )ایران نے کہا ہے کہ امریکی صدر جو بائیڈن کی برلن میں ایران پر حملے کے اسرائیلی پلان پر...