راولپنڈی (این این آئی)پاکستان تحریک انصاف کے رہنما زین قریشی نے کہا ہے کہ میں پارٹی کے عہدے سے مستعفی ہوا ہوں۔میڈیا سے گفتگو کرتے ہوئے انہوں نے کہا کہ پارٹی نے مجھے شوکاز نوٹس جاری کیا اس کا جواب بھی دیا ہے۔زین قریشی نے کہا کہ میرا معاملہ پارٹی کے سامنے ہے، میں اچھے کی اْمید رکھتا ہوں۔پی ٹی آئی کے رہنما نے کہا کہ میں نے گزشتہ روز کے پی میں بلائے گئے اجلاس میں شرکت کی تھی، پارٹی کے لوگوں سے ملاقات ہوئی تمام چیزوں پر بات ہوئی ہے۔انہوںنے کہاکہ ہم تحریک انصاف کے ساتھ کھڑے ہیں اور کھڑے رہیں گے۔انہوں نے کہا کہ واحد ممبر ہوں جس کو قومی اسمبلی سے گرفتار کیا گیا، میرا پورا خاندان مشکلات سے گزرا ہے۔
