اسلام آباد(این این آئی)بانی پی ٹی آئی کی اہلیہ بشریٰ بی بی نے ہر صورت ڈی چوک جانے پر اصرار کیا ہے۔ذرائع کے مطابق بانی پی ٹی آئی نے متبادل جگہ کی حامی بھری لیکن بشریٰ بی بی ماننے سے انکاری ہیں۔ذرائع کا کہنا ہے کہ بانی پی ٹی آئی سے ملاقات کے بعد چیئرمین پی ٹی آئی بیرسٹر گوہر نے علی امین گنڈاپور اور بشریٰ بی بی سے رابطہ کیا۔بشریٰ بی بی نے جواب دیا کہ بانی پی ٹی آئی نے انھیں ہر صورت ڈی چوک جانے کا کہا ہے، ڈی چوک سیکم کسی بھی مذاکراتی فیصلے پر کارکنان راضی نہیں۔ذرائع کے مطابق علی امین گنڈاپور نے بھی ڈی چوک جانے کی بشریٰ بی بی کی تجویز کی حمایت کردی ہے۔ذرائع کا کہنا ہے کہ سیاسی کمیٹی کی منظوری کے بعد بشریٰ بی بی سے حتمی فیصلے کا اعلان کروایا جائے گا۔دوسری جانب وزیر داخلہ محسن نقوی نے کہا ہے کہ جو ڈی چوک پہنچے گا بالکل گرفتار ہوگا، ہمیں ریڈ لائن کراس نہ کرنے دیں، پہلے ہی بتا رہے ہیں، ہمیں مجبور کیا گیا تو سخت قدم اٹھائیں گے۔انہوں نے کہا کہ ہم نے پی ٹی آئی کو سنگجانی میں احتجاج کی پیشکش کی ہے۔ان کا کہنا تھا کہ پی ٹی آئی والوں نے دو دفعہ جیل میں جاکر بانی پی ٹی آئی سے ملاقاتیں کی ہیں، اطلاعات کے مطابق بانی نے بھی اس کی منظوری دے دی ہے تاہم پی ٹی آئی نے اب تک فائنل جواب نہیں دیا۔وزیر داخلہ کا کہنا تھا کہ میرا خیال ہے کہ بانی سے اوپر بھی کوئی لیڈر شپ آگئی ہے جس نے ماننے سے انکار کیا ہے، یہ ان سے ہی پوچھ لیں۔
مقبول خبریں
وزیراعظم کا صدر آصف زرداری سے ٹیلیفونک رابطہ، خیریت دریافت کی
اسلام آباد(این این آئی)وزیراعظم شہباز شریف نے صدر مملکت آصف علی زرداری سے ٹیلی فونک رابطہ کر کے خیریت دریافت کی ہے۔ جاری بیان...
وزیراعظم کا شہید ذوالفقارعلی بھٹو کو خراج عقیدت
اسلام آباد(این این آئی)وزیراعظم محمد شہباز شریف نے شہید ذوالفقار علی بھٹو کو ان کی 46 ویں برسی پر خراج عقیدت پیش کرتے ہوئے...
چیئرمین سینیٹ کا ذوالفقار علی بھٹو کی برسی پر خراجِ عقیدت
اسلام آباد(این این آئی)چیئرمین سینیٹ سید یوسف رضا گیلانی نے پاکستان کے عظیم عوامی رہنما، بانی جمہوریت اور عوام کے حقوق کے محافظ شہید...
وزیراعظم کی رمضان ریلیف پیکیج ماڈل کو دیگر سرکاری سکیموں میں اپنانے کی ہدایت
اسلام آباد(این این آئی)وزیراعظم شہباز شریف نے رمضان ریلیف پیکیج کیلئے استعمال ہونیوالے ادائیگی کے طریقہ کار کو دیگر سرکاری سکیموں میں بھی اختیار...
ٹک ٹاک پر معاہدے کے بہت قریب ہیں، ڈونلڈ ٹرمپ
واشنگٹن (این این آئی )امریکا کے صدر ڈونلڈ ٹرمپ نے کہا ہے کہ ٹک ٹاک پر معاہدے کے بہت قریب ہیں۔میڈیارپورٹس کے مطابق امریکی...