لاہور ( این این آئی) نامور اداکار احسن خان نے کہا ہے کہ پاکستان میں بہترین ٹیلنٹ موجود ہے صرف اس کو نکھارنے کی ضرورت ہے ، ہمیں نیا ٹیلنٹ تلاش کرنا پر بھرپور توجہ مرکوز کرنی چاہیے جو مستقبل میں سینئرز کا خلا ء پر کر سکے۔ ایک انٹر ویو میں گفتگو کرتے ہوئے انہوں نے کہا کہ ہمارے پاس موضوعات کی کمی نہیں بلکہ ایسے بہت سے موضوعات ہیں جن پر بے شمار فلمیں بن سکتی ہیں ، روائتی فلمیں دیکھ کر لوگ اکتاہٹ محسوس کرنا شروع کر دیتے ہیں اس لیے ضروری ہے کہ نئے موضوعات پر اچھوتی فلمیں بنائی جائیں ۔ انہوں نے کہا کہ اپنے طور پر جس حد تک بھی ممکن ہو سکے اچھا کام کرنے کی کوشش کرتا ہوں اور بعد میں جب بھی اپنا کام دیکھتا ہوں تو ذہن میں یہ بات آتی ہے کہ میں اس سے بہتر اداکاری کر سکتا تھا ۔انہوں نے مزید کہا کہ فلم انڈسٹری کی ترقی کے لئے جو کاوشیں ہونی چاہئیں وہ نظر نہیں آرہیں۔
