لندن(این این آئی)انٹرنیشنل کرکٹ کونسل کے سابق چیئر مین گریگ بارکلے نے نئے چیئرمین جے شاہ کو بطور آئی سی سی سربراہ بھارت کے بوجھ تلے دبنے سے خبردار کرتے ہوئے کہا ہے کہ انہیں آئندہ آنے والے وقت میں مزید مشکلات کا سامنا کرنا پڑے گا۔ٹیلیگراف کو دیے گئے ایک انٹرویو میں جے شاہ کے متعلق بات کرتے ہوئے انہوں نے کہا کہ وہ پْرامید ہیں کہ جے شاہ کے پاس ایک شاندار موقع ہے کہ وہ بھارت کے بوجھ تلے آئے بغیر اس کھیل کو ایک نئی بلندی پر لے جانے کے لیے بھارت کی مدد کریں گے۔ان کا کہنا تھا کہ ہم خوش قسمت ہیں کہ بھارت ہمارے ساتھ ہے، وہ اس کھیل میں ہر طرح سے ایک بہت بڑا شراکت دار ہے۔ لیکن ایک ملک کے پاس اتنی طاقت اور اثر و رسوخ دیگر نتائج پر اثرات مرتب کرتا ہے، جو کھیل کی عالمی نمو پر مفید ثابت نہیں ہوتی۔چیمپئنز ٹرافی کے انعقاد کے حوالے سے جاری تنازع کے دوران 1 دسمبر کو منصب سے سبکدوش ہونے والے گریگ برکلے نے انٹرویو میں اعتراف کیا کہ اس وقت اتنی کرکٹ ہو رہی ہے کہ وہ بھول گئے ہیں کہ کون سی ٹیم کس کے ساتھ کھیل رہی ہے۔ انہیں مارکو جینسن کے سات وکٹیں لینے والی خبر سے معلوم ہوا کہ سری لنکا اس وقت جنوبی افریقا میں ٹیسٹ سیریز کھیل رہی ہے۔انہوں نے بتایا کہ ان کے دور میں تین بڑی فرینچائز ٹی ٹوئنٹی لیگز (یو ایس اے، یو اے ای اور جنوبی افریقا میں) شروع ہوئیں اور مزید لیگز اس تنگ کلینڈر میں آنے کی تیاری کر رہی ہیں۔انہوں نے اس صورتحال کا ذمہ دار ممبران کے اپنے مفاد کو دیکھنے کو قرار دیا۔
مقبول خبریں
نیوزی لینڈ کیخلاف پہلے ون ڈے میچ میں قومی ٹیم کے تین کھلاڑیوں کا...
نیپیئر(این این آئی) نیوزی لینڈ کے خلاف پہلے ون ڈے میچ میں قومی ٹیم کے تین کھلاڑیوں نے ڈیبیو کیا ۔عاکف جاوید ، عثمان...
پہلے ون ڈے میچ میں نیوزی لینڈ نے پاکستان کو 73 رنز سے شکست...
پہلے ون ڈے میچ میں نیوزی لینڈ نے پاکستان کو 73 رنز سے شکست دے دی نیپیئر (این این آئی)پہلے ون ڈے میچ میں...
سعودی ولی عہد شہزادہ محمد بن سلمان سے سوڈانی کونسل کے چیئرمین کی ملاقات
مکہ مکرمہ(این این آئی )سعودی عرب کے ولی عہد شہزادہ محمد بن سلمان بن عبدالعزیز آل سعود نے مکہ مکرمہ کے قصر الصفا میں...
علی امین نے آبادی کیلئے این ایف سی ایوارڈ میں حصہ نہ ملنے پر...
پشاور(این این آئی) وزیراعلی خیبرپختونخوا علی امین گنڈاپور نے آبادی کیلئے ملنے والا این ایف سی ایوارڈ میں حصہ نہ ملنے پر صدر پاکستان...
لگتا ہے علی امین گنڈاپور کے گرد گھیرا تنگ کیا جارہا ہے، شیر افضل...
اسلام آباد (این این آئی)پاکستان تحریک انصاف کے رکن قومی اسمبلی شیر افضل مروت نے کہا ہے کہ لگتا ہے علی امین گنڈاپور...