کراچی (این این آئی)ملک کے بیشتر علاقوں میں سردی کی شدت میں اضافہ ہو گیا ہے۔ملک بھر کی طرح کراچی میں بھی سردی نے ڈیرے ڈال لیے ہیں اور شہر کا درجہ حرارت 10 ڈگری تک آ گیا ہے۔محکمہ موسمیات نے سردی کی لہر 14 دسمبر تک جاری رہنے کی پیش گوئی کی ہے۔ادھر کم سے کم درجہ حرارت لاہور میں 8، اسلام آباد میں 3، پشاور میں 6 ڈگری سینٹی گریڈ ریکارڈ کیا گیا۔ وادی کوئٹہ میں آج صبح کم سے کم درجہ? حرارت منفی 4 ڈگری سینٹی گریڈ ریکارڈ کیا گیا۔قلات میں کم سے کم درجہ حرارت منفی 6، نوکنڈی میں صفر، گوادر میں 7، سبی میں 9 ڈگری سینٹی گریڈ ریکارڈ ہوا ہے۔وادی زیارت میں بھی شدید سردی کا راج ہے، جہاں ٹنکیوں اور پائپوں میں پانی برف بن گیا۔زیارت میں یخ بستہ ہوائیں چلنے سے نظامِ زندگی مفلوج ہو گیا اور گیس غائب ہو گئی۔شدید سردی میں گیس نہ ہونے سے زیارت میں لوگوں کو شدید مشکلات کا سامنا ہے۔
