تہران(این این آئی)ایران کے سپریم لیڈر علی خامنہ ای نے کہاہے کہ ایران نے خطے میں کوئی پراکسی بنا رکھی ہے اور نہ ہی ایران کو کسیپراکسی’ کی ضرورت ہے۔ غیرملکی خبررساں ادارے کے مطابق خامنہ ای نے اس امر کا اظہار ملاقات کے لیے آنے والے وفود سے گفتگو کے دوران کیا ۔انہوں نے اس تاثر کی تردید کی ہے کہ علاقے میں ایرانی پراکسیزلڑ رہی ہیں۔انہوں نے کہا اگر کوئی ملک اپنے لیے یہ راستہ لیتا ہے تو اس کا مطلب یہ نہیں ہے کہ وہ ایرانی پراکسی کے طور پر کام کرتا ہے۔ایرانی سپریم لیڈر نے کہا کہ اسلامی جمہوریہ ایران کی کوئیپراکسی فورس’ نہیں ہے۔ یمن اپنے ایمان کی وجہ سے لڑتا ہے، حزب اللہ کی جنگ بھی ایمان اور عقیدے کی طاقت کی بنیاد پر ہے۔ جہاں تک حماس اور اسلامی جہاد گروپ کا تعلق ہے وہ بھی اپنے عقیدے اور ایمان کے تقاضے کے طور پر لڑتے ہیں۔ ان کا عقیدہ ہی انہیں جہاد پر مجبور کرتا ہے۔ وہ ہماریپراکسی’ کے طور پر کام نہیں کرتے۔امریکہ کا ذکر کرتے ہوئے کہا کہ امریکی کہتے ہیں کہ ایران اپنیپراکسیز’ سے علاقے میں محروم ہو گیا ہے۔ یہ ان کی ایک اور غلطی ہے۔ انہیں خبر رہیجس روز ایران نے کوئی قدم اٹھانا چاہا تو ہم کسیپراکسی’ کے محتاج نہ ہوں گے۔’
