سکھر(این این آئی)پیپلز پارٹی کے مرکزی رہنما سید خورشید شاہ نے کہا ہے کہ پیپلز پارٹی بھیک مانگ کر وزیر اعظم نہیں بنائے گی،پیر صاحب پگارا ایسی باتیں نہ کریں۔اپنی رہائش گاہ پر گفتگو کرتے ہوئے سید خورشید شاہ نے کہاکہ پیپلز پارٹی بھیک مانگ کر وزیر اعظم نہیں بنائی گی،پیر صاحب پگارا ایسی باتیں نہ کریں۔ انہوںنے کہاکہ پیر صاحب کا احترام ہے،لیکن ان باتوں کی اہمیت نہیں،بلاول بھٹو زرداری وزیراعظم ضرور بنیں گے۔ انہوںنے کہاکہ پیپلز پارٹی چاہیے تو بلاول بھٹو زرداری کل بھی وزیر اعظم بن سکتے ہیں،ہم بھیک مانگ کر 70 ووٹوں پر کمزور وزیر اعظم نہیں بنیں گے۔ انہوںنے کہاکہ ملک کے مسائل کی خاطر پیپلز پارٹی مسلم لیگ ن کے ساتھ ہے،سابق وزیر اعظم شاہد خاقان عباسی کا احترام ہے۔ انہوںنے کہاکہ شاہد خاقان تنقید سے پہلے دور اقتدار میں اپنے بیانات سن لیں،وہ کیا کہا کرتے تھے۔انہوںنے کہاکہ شاہد خاقان عباسی کو تنقید کرنے کے بجائے تجویز دینی چاہیے۔ انہوںنے کہاکہ شاہد خاقان عباسی اگر پارلیمنٹ میں نہیں تو کیا ہوا اسکی سیاسی اہمیت ہے۔ انہوںنے کہاکہ یہ وقت ملک کو مسائل سے نکالنے کا ہے،پانی کی تقسیم کے معاملے پر پیپلز پارٹی نے کبھی کمپرومائز نہیں کیا۔
