لاڑکانہ/ کوئٹہ ( این این آئی) پاکستان پیپلز پارٹی کے مرکزی سینئر رہنماء سابق وزیراعلیٰ بلوچستان چیف آف جھالاوان نواب ثناء اللہ خان زہری نے اپنے جاری کردہ بیان میں پیپلز پارٹی تحصیل وڈھ کے انفارمیشن سیکریٹری ماسٹر خان محمد سینئر رکن عبدالودود لہڑی کی ٹریفک حادثہ میں شہادت پر گہرے دکھ اور افسوس کا اظہار کرتے ہوئے سو گوار خاندانون سے دلی ہمدردی اور تعزیت کا اظہار کیا ۔نواب ثنا اللہ خان زہری نے ماسٹر خان محمد گرگناڑی اور عبدالودود لہڑی کو خراج عقیدت پیش کرتے ہوئے کہا کہ شہید ورکرز کی پارٹی کے لئے خدمات ناقابل فراموش ہے ان کی ناگہانی شہادت میرے لئے اور پارٹی کے لئے ناقابل تلافی نقصان ہے ان کی شہادت کا سن کر دل بہت افسردہ اور غمگین ہے پاکستان پیپلز پارٹی شہیدوں کی جماعت ہے اج دونوں کارکنوں نے جام شہات نوش کر کے ہمیشہ کے لیے امر ہو گئے اللہ پاک مرحوم ماسٹر خان محمد گرگناڑی اور عبدالوجود لہڑی کو جنت الفردوس میں اعلی مقام نصیب عطاء فرمائے ۔دکھ کی اس گھڑی میں سو گوار خاندانوں کے غم میں برابر شریک ہوں اللہ پاک اس بڑے نقصان کے موقع پر شہداء کے خاندانوں کو صبر جمیل عطا کریں۔
