ریاض (این این آئی )ریاض انٹرٹینمنٹ سیزن کی سرگرمیوں کے آغاز کے بعد سے دو ماہ کے اندر اندر بڑی تعداد میں زائرین اور سیاحوں کی توجہ حاصل کی ہے۔غیرملکی خبررساں ادارے کے مطابق سیزن تقریبا 10 دنوں میں 10 لاکھ زائرین کو راغب کرنے میں کامیاب رہا، جس سے مختلف علاقوں میں آنے والوں کی کل تعداد تقریبا 13 ملین تک پہنچ گئی۔اکتوبر 2024 میں سیزن شروع ہونے کے بعد سے ریاض سیزن میں پوری دنیا سے آنے والے زائرین کی غیر معمولی حاضری دیکھنے میں آئی۔ ہزاروں متنوع تقریبات کا اہتمام کیا گیا جن میں کنسرٹس، آرٹ نمائشیں، تھیٹر پرفارمنس اور تفریحی سرگرمیاں شامل ہیں جو ہر عمر کے گروپوں کے لیے موزوں ہیں۔سال 2024 ریاض سیزن میں پانچ اہم علاقے شامل ہیں جن میں بولیورڈ ورلڈ، کنگڈم ایرینا، بلیوارڈ سٹی، دی وینیو اور السویدی پارک۔ ہر علاقہ زائرین کے لیے ایک منفرد تجربہ پیش کرتا ہے۔
