پشاور(این این آئی)پاکستان تحریک انصاف (پی ٹی آئی) کے رہنما اور رکنِ قومی اسمبلی اسد قیصر نے کہا ہے کہ بانی پی ٹی آئی نے کہا ہے کہ میں جیل سے تب باہر نکلوں گا جب ہمارے ورکرز نکلیں گے۔پشاور میں میڈیا سے گفتگو کرتے ہوئے انہوں نے کہا کہ بانی پی ٹی آئی سے ملاقات ہوئی، وہ خوش باش اور فٹ تھے۔اسد قیصر کا کہنا ہے کہ سیاسی انتقام کے لیے ہم پر مقدمات بنائے گئے ہیں۔پی ٹی آئی کے رہنما نے کہا کہ 2 جنوری کو حکومت کے ساتھ مذاکرات میں 2 بڑے مطالبات پیش کریں گے، بانء پی ٹی آئی سمیت تمام ورکرز کو رہا کیا جائے۔انہوں نے مطالبہ کیا ہے کہ 9 مئی اور 26 نومبر کے واقعات کی جوڈیشل انکوائری کرائی جائے، سویلین کیسز ملٹری کورٹس میں نہیں ہونے چاہئیں۔سابق اسپیکر قومی اسمبلی اسد قیصر نے یہ بھی کہا کہ امن و امان کی صورتِ حال تشویش ناک ہے۔
