ایران غیر حقیقت پسندانہ مطالبات نہ کرے، یورپی ممالک

0
73

برسلز (این این آئی)برطانیہ، فرانس اور جرمنی نے ایران پر زور دیا ہے کہ وہ جوہری معاہدے کے سلسلے میں غیر حقیقت پسندانہ مطالبات نہ کرے،میڈیارپورٹس کے مطابق یہ بات ایران کو 2015 کے جوہری معاہدے کی بحالی کے لیے مذاکراتی عمل کے دوران باور کرائی گئی ہے۔ ان دنوں عالمی طاقتوں کے نمائندے اور ایرانی نمائندے کے درمیان ویانا میں مذاکرات جاری ہیں۔ یہ مارچ کے بعد ایک اہم میٹنگ ہے۔اس مذاکراتی مرحلے کے بارے میں کہا گیا کہ ویانا میں ہونیو الے یہ مذاکرات کوئی نیا مذاکراتی دور نہیں بلکہ یورپی ممالک جنہیں ای تھری گروپ کا نام دیا جاتا ہے تکنیکی امور کے حوالے سے ایران سے بات کر رہے ہیں۔اس سلسلے میں جاری کردہ یورپی بیان میں کہا گہا کہ مسودہ مذاکرات کی میز پر ہے۔ اب یہ ایران کو فیصلہ کرنا ہے کہ وہ کدھر جانا چاہتا ہے۔ معاہدہ اب بھی ممکن ہے۔ ‘اسی لیے ہماری طرف سے ایران کو کہا گیا ہے کہ معاہدے کی طرف اور غیر حقیقت پسندانہ مطالبات نہ کرو۔ کیونکہ اس کے مطالبات اس معاہدے کے دائرے میں نہیں آتے۔