کابل/دوحہ (این این آئی)طالبان حکومت نے سہیل شاہین کو قطر میں افغانستان کا سفیر مقرر کردیا جب کہ دوحہ میں تعینات سفیر ڈاکٹر محمد نعیم وردک افغان وزارت خارجہ میں سیکریٹری تعینات کردئیے گئے ۔ سہیل شاہین قطر میں طالبان اسلامی امارت کے سیاسی دفتر کے سربراہ بھی ہیں۔میڈیارپورٹس کے مطابق افغان حکومت نے سہیل شاہین کو اقوام متحدہ میں مستقل نمائندہ مقرر کیا تھا لیکن طالبان حکومت تسلیم نہ ہونے کی وجہ سے اقوام متحدہ میں افغانستان کی نشست اب بھی سابق حکومت کے نمائندے کے پاس ہے۔سہیل شاہین طالبان کی پہلی حکومت میں پاکستان میں فرسٹ سیکرٹری کی حیثیت سے کام کرچکے ہیں۔
