کراچی (این این آئی)پی آئی اے کی یورپ کیلئے پروازیں بحال ہو گئیں، قومی ائیر لائن کی پروازکل جمعہ کو اسلام آباد سے پیرس روانہ ہوگی۔ترجمان پی آئی اے کے مطابق ہفتہ وار 2 پروازیں آپریٹ کی جائیں گی جن کو بتدریج بڑھایا جائے گا، پروازیں جمعہ اور اتوار کے دن آپریٹ کی جائیں گی۔پروازوں کا شیڈول مسافروں کی سہولت کے حساب سے انتہائی پرکشش ہے،اسلام آباد سے پرواز صبح ساڑھے گیارہ بجے روانہ ہوگی اور سہ پہر 4 بجے پیرس پہنچے گی۔ترجمان کے مطابق پیرس سے پرواز شام 6 بجے روانہ ہوگی اور صبح 5 بجے اسلام آباد پہنچے گی، ترجمان کے مطابق مسافر ناشتہ پاکستان میں اور دوپہر کا کھانا پیرس میں کھائیں گے۔
