دمشق(این این آئی )شام کے وزیرِ خارجہ اسد الشیبانی نے کہا ہے کہ دمشق میں قطری وفد کے ساتھ بات چیت میں جنگ زدہ ملک میں تعمیرِ نو شامل تھی۔غیرملکی خبررساں ادارے کے مطابق الشیبانی نے وزارتِ خارجہ میں قطری وزیرِ مملکت محمد الخلیفی کے ساتھ ایک پریس کانفرنس کے دوران کہا، تقریبا 14 سال کی خانہ جنگی سے تباہ شدہ ملک میں تعمیرِ نو کے حوالے سے ہم نے دوطرفہ تعاون کے جامع فریم ورک پر تبادل خیال کیا۔انہوں نے کہا کہ ان کی گفتگو میں اہم شعبوں بشمول انفراسٹرکچر، سرمایہ کاری اور بینکنگ کی خدمات، اقتصادی بحالی، صحت اور تعلیم کی راہ ہموار کرنے کا احاطہ کیا گیا۔انہوں نے پریس کانفرنس کو بتایا، دوحہ انسانی ہمدردی اور خدمات کی تمام سطحوں اور انفراسٹرکچر اور بجلی کے حوالے سے بھی مطلوبہ مدد فراہم کرتا رہے گا۔
