بیجنگ(این این آئی)چین کی وزارت خارجہ نے غزہ کی پٹی کی آبادی کی جبری ہجرت سے متعلق امریکی صدر ڈونلڈ ٹرمپ کی تجویز پر تبصرہ کیا ہے۔ میڈیارپورٹس کے مطابق وزارت نے جاری بیان میں کہا کہ بیجنگ فلسطینی عوام کے قانونی قومی حقوق کی بھرپور حمایت کرتا ہے۔بیان میں مزید کہا گیا کہ غزہ فلسطینیوں کا ہے ، یہ کوئی سیاسی سودے بازی کا آلہ نہیں ، نہ یہ کہ اسے جنگل کے قانون کا نشانہ بنایا جائے۔چینی وزارت خارجہ کے مطابق بیجنگ غزہ کی آبادی کو ہدف بنانے کی شدید مخالفت کرتا ہے۔
