کھاریاں(این این آئی) کھاریاں شہر کا ایک اور اعزاز، سینئر صحافی کا بیٹا کھاریاں کیلئے گولڈ میڈل جیت لایا۔تفصیلات کے مطابق کھاریاں پریس کلب (رجسٹرڈ) کے سینئر صحافی راجہ عرفان عباس جنجوعہ کے بیٹےاور پروفیسر راجہ عامر عباس جنجوعہ کے بھتیجے راجہ ارحم عباس جنجوعہ نے HRCA انٹرنشیل کوئز مقابلہ 2024 انگلش میں گولڈ میڈل جیت لیا،بین الاقوامی مقابلے میں کھاریاں پاکستان کا نام روشن کرنا یقینا ایک بڑی کامیابی ہے ، اس موقع پر راجہ ارحم عباس جنجوعہ کے والد اور کھاریاں پریس کلب کے سینئر رکن راجہ عرفان عباس جنجوعہ نے اپنے خیالات کا اظہار کرتے ہوئے کہا کہ میرے بیٹے کی جیت کا سہرا آرمی پبلک سکول جونیئر کیمپس کھاریاں کینٹ کی پرنسپل میڈم طیبہ جاوید، سیکشن ہیڈ میڈم فوزیہ شاہین اور کلاس ٹیچر مس اقرا ء عدنان کے سر ہے جن کی محنت اور لگن کی وجہ سے میرے بچے نے کامیابی حاصل کی ہے اس موقع پر انٹرنیشنل کوئز مقابلے کے کم سن ونر راجہ ارحم عباس جنجوعہ کو گولڈ میڈل سے نوازا گیا اور اس کے ساتھ HRCA کی جانب سے تعارفی سرٹیفکیٹ اور پہچان پاکستان کا سرٹیفکیٹ بھی دیا گیا۔
