اسلام آباد(این این آئی)عالمی بینک کا ایک اعلی سطح کا وفد پاکستان پہنچ گیا،وفد وزیراعظم،وزیر خزانہ اور وزیر اقتصادی امور سے ملاقاتیں کرے گا۔ورلڈ بینک کے حکام نے نجی ٹی وی سے گفتگو میں تصدیق کردی،عالمی بینک گروپ کا وفد ایگزیکٹو ڈائریکٹرز پر مشتمل ہے،وفد کی وفاقی وزیرمنصوبہ بندی اور وزیرتوانائی سے بھی ملاقات شیڈول ہے۔دورے کامقصد اقتصادی ترقی کے منصوبوں،سرمایہ کاری کے مواقع پربات چیت کرنا ہے،کنٹری پارٹنرشپ فریم ورک پرعملدرآمد کیلئے حکمت عملی پربھی بات ہوگی.10سال کیلئے20ارب ڈالرکے کنٹری پارٹنرشپ فریم ورک معاہدے پردستخط ہوئے تھے،مستقبل میں یہ فنڈزبڑھ کر40 ارب ڈالرتک پہنچ جائیں گے۔
