اسلام آباد(این این آئی)وفاقی وزیر داخلہ محسن نقوی سے روس کے سفیر البرٹ پی خوریف نے ملاقات کی جس میں دوطرفہ تعلقات کے فروغ اور باہمی دلچسپی کے امور پر تبادلہ خیال کیا گیا۔ ملاقات میں انسداد دہشت گردی اور انسداد منشیات کے سلسلے میں تعاون بڑھانے پر بات چیت ہوئی، جبکہ دونوں ممالک کے درمیان انسداد دہشت گردی ڈائیلاگ کو فعال کرنے پر بھی اتفاق کیا گیا۔ باہمی روابط کو مزید مضبوط بنانے کے لیے وفود کے تبادلے بڑھانے پر بھی اتفاق کیا گیا۔ روس کے سفیر نے پاکستانی افسران کو ماسکو اور سائبریا میں انسداد منشیات تربیتی پروگرامز میں شرکت کی دعوت دی۔ محسن نقوی نے کہا کہ دہشت گردی ایک بین الاقوامی چیلنج ہے، جس پر قابو پانے کے لیے مشترکہ اقدامات ضروری ہیں۔ انہوں نے اس عزم کا اظہار کیا کہ پاکستان روس کے ساتھ تعلقات کو مزید مستحکم کرنے کے لیے روابط کو فروغ دے گا اور مختلف شعبوں میں دوطرفہ تعاون بڑھانے کے وسیع مواقع موجود ہیں۔کہ اقدامات ضروری ہیں۔ انہوں نے اس عزم کا اظہار کیا کہ پاکستان روس کے ساتھ تعلقات کو مزید مستحکم کرنے کے لیے روابط کو فروغ دے گا اور مختلف شعبوں میں دوطرفہ تعاون بڑھانے کے وسیع مواقع موجود ہیں۔
