ابوظہبی (این این آئی )امارات فوڈ بینک کے سال 2024 کے سالانہ نتائج سے پتہ چلتا ہے کہ گذشتہ سال دنیا میں تقریبا 28 اعشایہ 9 ملین افراد نے بینک کی مہمات اور پروگراموں سے استفادہ کیا جو کہ سال 2023 کے مقابلے میں 55 فیصد زیادہ ہے، یہ نتائج مقررہ اہداف اور عمومی کارکردگی کے اشاریوں سے 100 فیصد زیادہ ہیں۔میڈیارپورٹس کے مطابق تقریبا 5,000 رضاکاروں اور شرکا نے فاضل خوراک کے انتظام کی سرگرمیوں کی حمایت اور ان پر عمل درآمد اور ضرورت مندوں میں خوراک کی تقسیم میں حصہ لیا، جبکہ مقامی اور بین الاقوامی فوڈ اور خیراتی اداروں کے عطیہ دہندگان کی تعداد 52 فی صد اضافے کے ساتھ 1,214 تک پہنچ گئی ہے۔ فوڈ بنک نے 157 آگاہی پروگرامات نافذ کیے گئے، جن میں تقریبا 534 افراد نے حصہ لیا۔دریں اثنا بینک نے فوڈ سکیورٹی کے شعبیمیں مثبت ماحولیاتی اثرات چھوڑنے میں اپنا حصہ ڈالا جس کی نمائندگی تقریبا 5,466 ٹن خوراک کو لینڈ فل سے ہٹا کر اس طرح ماحولیاتی آلودگی اور خوراک کے نتیجے میں اخراج کو کم کرنے اور 2027 تک خوراک کے ضیاع کو 30 فیصد تک کم کرکے ماحولیاتی پائیداری کو بڑھانے کے اپنے مقاصد میں سے ایک کی حمایت کی۔اپنے سٹریٹجک پلان 2023-2027 کے مطابق بینک فاضل خوراک کا انتظام کرنے کے لیے شراکت داری قائم کر کے کھانے کے ضیاع کو کم کرنے کے علاوہ 2017 میں اپنے قیام کے بعد سے لے کر اب تک 2026 ملین سے زیادہ فوڈ پیکجز تقسیم کر رہا ہے۔
