واشنگٹن (این این آئی)وائٹ ہائوس کے ایک عہدے دار نے بتایا ہے کہ امریکی صدر ڈونلڈ ٹرمپ نے یوکرین کے لیے تمام فوجی امداد روک دی ہے۔غیر ملکی خبر رساں ادارے کے مطابق امریکی عہدے دار کا کہنا تھا کہ صدر ٹرمپ نے واضح کیا ہے کہ ان کی توجہ امن پر ہے۔انہوں نے بتایا کہ امریکی صدر نے کہا کہ ہمارے شراکت داروں کو بھی اس مقصد کے لیے پرعزم ہونے کی ضرورت ہے، ہم اپنی امداد کو روک رہے ہیں اور اس کا جائزہ لے رہے ہیں۔اس سے قبل واشنگٹن میں میڈیا سے گفتگو کرتے ہوئے ڈونلڈ ٹرمپ نے کہا تھا کہ یوکرین کو فوجی امداد معطل کرنے پر بات نہیں ہوئی، یوکرینی صدر زیلنسکی کو امریکی سپورٹ کو مزید سراہنا چاہیے۔
