راولپنڈی (این این آئی)اڈیالہ جیل میں بانی پی ٹی آئی عمران خان سے وکلاء رہنمائوں کی ملاقات کے لیے چیئرمین پی ٹی آئی بیرسٹر گوہر نے جیل حکام کو فہرست بھجوا دی۔فہرست میں سلمان اکرم راجہ، نیاز اللّٰہ نیازی اور سمیر کھوسہ کے نام شامل ہیں۔بیرسٹر گوہر کی جانب سے بھیجی گئی فہرست میں نعیم پنجوتھا، فیصل ملک اور ظہیر عباس چوہدری کا نام بھی شامل ہے۔وکلاء رہنما بانی پی ٹی آئی سے منگل کوملاقات کے لیے اڈیالہ جیل پہنچیں گے۔بانی پی ٹی آئی اور بشریٰ بی بی کے اہلِ خانہ بھی منگل کو ملاقات کے لیے اڈیالہ جیل جائیں گے۔
