اسلام آباد(این این آئی)قومی اسمبلی میں اپوزیشن لیڈرعمر ایوب کی کامیابی کیخلاف درخواست الیکشن کمیشن میں سماعت کیلئے مقررکردی گئی۔الیکشن کمیشن نے آئندہ ہفتے کے مقدمات کی کاز لسٹ جاری کر دی، کمیشن کی جانب سے فریقین کو نوٹسز بھجوا دئیے گئے۔قومی اسمبلی میں اپوزیشن لیڈر عمر ایوب کی کامیابی کے خلاف درخواست پر سماعت 8 مئی کو مقرر کی گئی ہے۔درخواست گزار بابر نواز اور عمر ایوب کو نوٹسز جاری کر دئیے گئے۔ گزشتہ سماعت پر درخواست گزار نے تیاری کیلئے وقت مانگا تھا۔اسی طرح، رکن قومی اسمبلی جمشید دستی کی نااہلی سے متعلق ریفرنس پر سماعت 7 مئی کو ہوگی۔
