مقبوضہ بیت المقدس(این این آئی )اسرائیل کی سکیورٹی کابینہ کی جانب سے غزہ میں فوجی کارروائیوں کو وسعت دینے کی منظوری کے بعد اسرائیلی وزیر خزانہ بزلیل سموٹریچ نے بڑا دعوی کرتے ہوئے کہا ہے کہ ہم غزہ پر قبضہ کریں گے ۔عرب ٹی وی کے مطابق یہ بات انھوں نے گزشتہ روز بیت المقدس میں کانفرنس کے دوران کہی۔انہوں نے کہا کہ اسرائیلی کابینہ نے ایک اہم اور فیصلہ کن قدم اٹھایا ہے اور اب پیچھے ہٹنے حتی کہ یرغمالیوں کی رہائی کے معاملے میں بھی پیچھے ہٹنے کا کوئی امکان نہیں۔ اسرائیلی سکیورٹی عہدیدار نے بھی اس بات کی تصدیق کی ہے کہ فوج ان تمام علاقوں میں موجود رہے گی جن پر وہ غزہ میں قبضہ کرے گی۔
