اسلام آباد(این این آئی) پاکستان کی جانب سے بھارتی جارحیت کا بھرپور اور مؤثر جواب دیا گیا جس کا اعتراف اب عالمی میڈیا بھی کرنے لگا ۔ امریکی نشریاتی ادارے سی این این کے مطابق، پاکستان نے بھارت کی اشتعال انگیزی کا نہ صرف جواب دیا بلکہ دشمن کے عزائم کو مکمل طور پر ناکام بنا دیا۔افواجِ پاکستان نے بھارت کو منہ توڑ جواب دیتے ہوئے دشمن کی متعدد اہم تنصیبات کو نشانہ بنایا ہے۔ پاکستان کی طرف سے ‘آپریشن بنیان مرصوص’ کے تحت ادھم پور ایئربیس، پٹھان کوٹ، سرسہ، سورت گڑھ ایئرفیلڈز، براہموس اسٹوریج سائٹ، بھارتی بریگیڈ ہیڈکوارٹر کے جی ٹاپ، اور اڑی کا سپلائی ڈپو تباہ کر دیا گیا ہے۔ ذرائع کا کہنا ہے کہ مزید اہداف بھی نشانے پر ہیں۔سی این این نے اپنی رپورٹ میں کہا ہے کہ افواجِ پاکستان کی کارروائی کے بعد بھارت میں سناٹا چھا گیا ہے اور وہاں کے حکام عالمی برادری سے مدد کے لیے رابطے کر رہے ہیں۔ افواجِ پاکستان ہر قسم کی جارحیت کے جواب کے لیے مکمل طور پر تیار ہیں اور دشمن کے ناپاک عزائم کو خاک میں ملا دیا گیا ہے۔
