لاہور( این این آئی) ڈاکٹر فردوس عاشق اعوان کی بطور معاون خصوصی اطلاعات تعیناتی کو لاہور ہائیکورٹ میں چیلنج کر دیا گیا ۔درخواست میں وفاقی حکومت، وزیر اعلی پنجاب، چیف سیکرٹری اور فردوس عاشق اعوان کو فریق بنایا گیا ہے ۔ درخواست میں موقف اپنایا گیا کہ فردوس عاشق اعوان کی بطور مشیر وزیر اعلی پنجاب تعیناتی اعلی عدلیہ کے فیصلے کی خلاف ورزی ہے، سپریم کورٹ نے جسٹس قاضی فائز عیسی کے خلاف ریفرنس میں فردوس عاشق اعوان کا ذکر کیا،فردوس عاشق اعوان کے ریمارکس کو بھی توہین عدالت کے مترادف قرار دیا گیا۔ استدعا ہے کہ و فاقی حکومت کو فردوس عاشق اعوان کے خلاف کارروائی کا حکم دیا جائے اوربطور معاون خصوصی تعیناتی کو کالعدم قرار دے کر کام کرنے سے روکا جائے۔
