اسلا م آباد(این این آئی) نائب امیر جماعت اسلامی لیاقت بلوچ نے کہاہے کہ شکست کے بعد بھارت پاکستان میں دہشت گردی کا نیٹ ورک فعال کرچکا ہے۔جاری بیان میں لیاقت بلوچ نے کہاکہ امریکا، اسرائیل اور بھارت کا ایجنڈا ملت اسلامیہ کے خلاف ہے، اسرائیل اور بھارت بچوں کے بڑے دشمن ہیں۔انہوں نے کہاکہ بلوچستان میں سکول بس پر دہشت گردانہ حملہ درندگی کی انتہا ہے،سکول بس پر دہشت گردانہ حملے میں یورپی ردعمل خوش آئند ہے۔لیاقت بلوچ نے کہاکہ سی پیک کی افغانستان تک توسیع وزارت خارجہ کا بہت اچھا فیصلہ ہے۔
