نیویارک (این این آئی )اقوام متحدہ کے سیکریٹری جنرل، انتونیو گوتریس نے غزہ کی پٹی کے جنوبی شہر رفح میں فلسطینیوں کے قتل اور زخمی ہونے کی خبروں پر شدید صدمے کا اظہار کیا ہے۔میڈیارپورٹس کے مطابق بیان میں انھوں نے واقعے کی آزاد اور فوری تحقیقات کا مطالبہ کیا۔ ان کا کہنا تھا کہ یہ ناقابل قبول ہے کہ فلسطینیوں کو خوراک حاصل کرنے کے لیے اپنی جانوں کا خطرہ مول لینا پڑے۔گوتریس نے کہاکہ میں ان واقعات کی فوری اور غیر جانب دارانہ تحقیقات، اور قصور واروں کے احتساب کا مطالبہ کرتا ہوں۔
