تل ابیب (این این آئی )اسرائیلی انٹیلی جنس چیف شلومی بینڈر نے 30 ایرانی کمانڈروں کے قتل کا انکشاف کیا ہے۔ میڈیارپورٹس کے مطابق شلومی بینڈر نے آپریشن روم میں کہا کہ ایران پر حملوں کے دوران ہم نے ایرانی نیشنل انٹیلی جنس سروس کو سخت نشانہ بنایا۔ ان میں چیف آف سٹاف اور فضائیہ کے کمانڈر بھی شامل تھے۔انہوں نے مزید کہا کہ دو دن پہلے ہم پہاڑوں میں واقع ان کے خفیہ ہیڈ کوارٹر پر حملہ کرنے میں کامیاب ہو گئے تھے اور کچھ کمانڈر وہاں سے کسی دوسری جگہ فرار ہونے میں کامیاب ہو گئے تھے۔ بارہ گھنٹے بعد ہم خاتم الانبیا ہیڈ کوارٹر کے چیف آف سٹاف پر حملہ کرنے میں کامیاب ہو گئے۔
