اسلام آباد (این این آئی)پاکستان تحریک انصاف کے سینئر رہنما چوہدری فواد حسین نے کہا ہے کہ حکومت نے نئے انتخابات کے مطالبہ پر غور نہ کیا تو پاکستان میں افراتفری پھیلنے کا امکان ہے،عمران خان پاکستان کے مقبول ترین رہنما ہے، پاکستان میں ان کے برابر کا کوئی لیڈر نہیں،کٹھ پتلی حکومت کے پاس اپنی حکومت جاری رکھنے کا کوئی قانونی یا اخلاقی جواز نہیں۔ برطانوی نشریاتی دارے کو دیئے گئے انٹرویومیں پاکستان کی تاریخ میں اس سے قبل کبھی ایسا نہیں ہوا کہ سیاسی مخالفین کے خلاف دہشت گردی کے مقدمات قائم کرنے کے لئے ایسے الزامات عائد کئے جائیں جس طرح عمران خان پر عائد کئے جا رہے ہیں۔ انہوںنے کہاکہ عمران خان نے کہا تھا کہ شہباز گل کو تشدد کا نشانہ بنایا گیا اور اغواء کیا گیا، مجسٹریٹ نے تشدد کے الزامات کی تحقیقات کئے بغیر انہیں پولیس کے حوالے کیا۔انہوںنے کہاکہ عمران خان نے کہا کہ تشدد کے الزامات کی تحقیقات نہ کرنے پر وہ مجسٹریٹ کے خلاف مقدمہ دائر کریں گے، اس بنیاد پر دہشت گردی کا مقدمہ بنایا گیا ہے جس کی کوئی قانونی اہمیت نہیں۔ فواد چوہدری نے کہاکہ حکومت نے گزشتہ روز جب عمران خان کو گرفتار کرنے کی کوشش کی تو ہزاروں کارکن سڑکوں پر آگئے۔ انہوںنے کہاکہ عمران خان پاکستان کے مقبول ترین رہنما ہے، پاکستان میں ان کے برابر کا کوئی لیڈر نہیں۔ انہوںنے کہاکہ عوام کا عمران خان کے حق میں باہر نکلنا ان کی عمران خان سے محبت کا اظہار ہے، انہوںنے کہاکہ اس وقت پاکستان میں کٹھ پتلی حکومت اسٹیبلشمنٹ کی مدد سے حکومت کر رہی ہے۔ انہوںنے کہاکہ کٹھ پتلی حکومت کے پاس اپنی حکومت جاری رکھنے کا کوئی قانونی یا اخلاقی جواز نہیں، ہم الیکشن چاہتے ہیں، ہم چاہتے ہیں کہ پاکستان کے عوام کو حکومت کے انتخاب کا موقع دیا جائے۔ انہوںنے کہاکہ اس وقت موجودہ وزیراعظم کے پاس قومی اسمبلی کی 84 نشستیں ہیں اور وہیں عمران خان کے پاس 155 نشستیں ہیں۔
مقبول خبریں
سپریم کورٹ کا ملک بھر میں سڑکوں اور فٹ پاتھ پر سے تجاوزات 3دن...
کراچی(این این آئی)سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دیتے ہوئے تحریری حکم نامہ جاری...
فرٹیلائزر کمپنی سرسبز یوریا کی قیمت میں اچانک اضافے کا ٹھوس جواز فراہم...
اسلام آبا د(این این آئی)وفاقی وزیر صنعت و پیداوار رانا تنویر حسین نے کھاد کمپنی کی جانب سے سرسبز یوریا کی قیمت میں یکطرفہ...
محسن نقوی نے اسلام آباد میں امن عامہ کو بہتر بنانے اورجرائم پیشہ گینگز...
اسلام آباد (این این آئی)وفاقی وزیرداخلہ محسن نقوی نے اسلام آباد میں امن عامہ کو بہتر بنانے اور جرائم پیشہ گینگز کی سرکوبی...
غزہ میں اسرائیلی بمباری سے مزید 15 فلسطینی شہید
مقبوضہ غزہ(این این آئی)غزہ کے نصیرات کیمپ، خان یونس اور رفح پر اسرائیلی بمباری سے 15 فلسطینی شہید ہوگئے۔عرب میڈیا کے مطابق مغربی کنارے...
ٹرمپ کو اپنے خلاف ٹرائل سے زیادہ اہلیہ کی سالگرہ کی فکر
واشنگٹن(این این آئی)امریکا کے سابق صدر ڈونلڈ ٹرمپ کے حالیہ بیان سے معلوم ہوتا ہے کہ انہیں اپنے خلاف ٹرائل سے زیادہ اہلیہ کی...