اسلام آباد (این این آئی)چیئرمین قومی وطن پارٹی آفتاب شیرپاؤ نے کہاہے کہ حکومت اور اپوزیشن اور سب سیاسی پارٹیوں کو مل کر سیلاب سے متاثرہ لوگوں کی مدد کریں ۔اپنے بیان میں آفتاب شیر پائو نے کہاکہ گزشتہ روز ہماری سنٹرل ایگزیکٹو کی میٹنگ ہوئی ،ملک میں سیلاب اور دیگر بحرانوں سے متعلق بات ہوئی ۔ انہوںنے کہاکہ عمران خان پر جس ادارے کی طرف سے ہریشر آتا ہے وہ اسے تنقید کا نشانہ بناتا ہے،اس نے جوڈیشل مجسٹریٹ جج کو تنقید کا نشانہ بنایا۔ انہوںنے کہاکہ عدم اعتماد آئی تو انہوں نے اسمبلی سے استعفے دے دئیے ،اب بائی الیکشن میں حصہ لے رے ہیں ،آپ قوم کے پیسے ضائع کر رے ہیں ۔ انہوںنے کہاکہ سیاست کو مذاق بنا دیا گیا ہے ،یہ صورت حال رہی تو ملک کا مستقبل روشن نہیں ہے ،اب ملک کا سب سے بڑا مسئلہ سیلاب ہے۔ انہوںنے کہاکہ حکومت اور اپوزیشن اور سب سیاسی پارٹیوں کو مل کر سیلاب سے متاثرہ لوگوں کی مدد کریں ،وفاقی اور صوبائی حکومتوں کو ملکر سیلاب متاثرین کی مدد کرنی چاہیے ،عمران خان لوگوں کے سیلاب کی بات کرتا ہے تاہم سیلاب سے متاثرہ لوگوں کی مدد کی بات نہیں کرتا۔ انہوںنے کہاکہ حکومت معیشت جو مستحکم کرنے کی کوشش کر رہی ہے یہ معیشت کو گرانے ہی کوشش کر رہا ہے،اس کی دو صوبوں میں حکومت ہے۔ انہوںنے کہاکہ بجلی اور گیس کی لوڈشیڈنگ کا سلسلہ کب تک جاری رہے گا ۔ آفتاب شیر پائو نے کہاکہ کے ہی کے میں بجلی کے وولٹیج پورے نہیں آتے تاہم بل پورے آ رہی ہیں،ملک میں ایک اور اہم مسئلہ ٹارگٹ کلنگ ہو ری ہے۔ انہوںنے کہاکہ بھتہ خوری چائلڈ ہارسمنٹ اور خواتین کے ساتھ ہونے والی زیادتیوں کی روک تھام ہونی چاہیے ،یہ باعث تشویش ہے ۔انہوںنے کہاکہ پچھلی حکونے کہ تھا کہ مردم شماری دوبارہ یو گی لیکن نی ہوئی ،فارن فنڈنگ والا ایشو سنگیک ہے،اس سے ہم بھی متاثر ہوئے ہیں ،اس کیس کو منطقی انجام تک پہنچایا جانا چاہیے ۔انہوںنے کہا کہ ہم حکومت کے اتحادی ہیں ہم نے عہدہ لینا مناسب نہیں سمجھا ۔ انہوںنے کہاکہ ملک میں جو جھوٹ بولتا ہے اسے سچ مان لیا جاتا ہے اور جو سچ بولتا ہے اسے جھوٹا سمجھا جاتا ہے ۔
