اسلام آباد(این این آئی) وفاقی وزیر اطلاعات ونشریات مریم اور نگزیب نے کہاہے کہ پاکستان میں 190فیصد بارشیں ہوئیں ، ایک ہزارسے زیادہ اموات ہوئیں،پکی عمارتیں سیلاب میں بہہ گئیں ، مویشی اور املاک کو نقصان پہنچا ،وزیراعظم نے پندرہ ارب روپے کی امداد کا اعلان کیا ہے ،سیلاب زدگان کومخیرحضرات کی معاونت کی ضرورت ہے۔ میڈیا سے بات چیت کرتے ہوئے مریم اور نگزیب نے کہاکہ پاکستان میں اس طرح کاسیلاب پہلے کبھی نہیں آیا،پاکستان میں190فیصدزیادہ بارشیں ہوئیں۔ وزیر اطلاعات نے کہاکہ بلوچستان میں400فیصدزیادہ بارشیں ہوئیں،سندھ کابہت زیادہ علاقہ سیلاب سے متاثرہواہے۔ وفاقی وزیر نے کہاکہ لوگوں کے مویشی،املاک کوشدیدنقصان پہنچاہے،سوات،مینگورہ اوردیگرعلاقوں میں پکی عمارتیں بھی بہہ گئی ہیں،وزیراعظم نے سندھ کیلئے15ارب روپے کی امدادکااعلان کیاہے۔ وزیر اطلاعات نے کہاکہ سیلاب زدگان کومخیرحضرات کی معاونت کی ضرورت ہے،اوورسیزپاکستانی بھی سیلاب زدگان کی مددمیں بڑھ چڑھ کرحصہ لیں۔ وفاقی وزیر نے کہاکہ پاکستان موسمیاتی تبدیلیوں سے زیادہ متاثرہونے والے10ملکوں میں شامل ہے۔ وزیر اطلاعات نے کہا کہ ایک ہزارسے زیادہ اموات ہوئی ہیں۔ وزیر اطلاعات نے کہاکہ 9999پرایس ایم ایس کرکیسیلاب متاثرین کیلئے عطیہ دیاجاسکتاہے،افواج اورریسکیوادارے معاونت میں مصروف ہیں،سیلاب متاثرین کی مددکیلئے تمام وسائل بروئے کارلائے جارہے ہیں۔
