اسلام آباد (این این آئی) پاکستان تحریک انصاف کے رہنما فواد چوہدری نے کہاہے کہ موجودہ حکومت میں عمران خان کی سلامتی غیر معمولی خطرات کی زد میں ہے۔میڈیا سے گفتگو کرتے ہوئے انہوںنے کہاکہ ہر شہری کی طرح عمران خان کی حفاظت حکومت کی بنیادی ذمے داری ہے۔پی ٹی آئی رہنما نے کہا کہ شریفوں نے جاتی امراء محل کی حفاظت پر عوام کے 364 ملین روپے اڑائے اور کم و بیش 3 ہزار اہلکار اس کی حفاظت پر لگائے ہیں۔فواد چوہدری نے کہا کہ اپنی مدتِ اقتدار کے دوران عمران خان اپنی رہائش گاہ پر مقیم رہے، انہوں نے اپنے گھر کے گرد حفاظتی دیوار تک خود بنوائی۔پی ٹی آئی رہنما نے مطالبہ کیا ہے کہ وزیرِداخلہ عمران خان کی سیکیورٹی کے اخراجات اور 266 اہلکاروں کی تفصیلات مہیا کریں۔
