پاک فوج کے شہیدوں نے اپنے پاک خون سے اس ملک کی تاریخ لکھی’ ڈاکٹریاسمین راشد

0
292

لاہور( این این آئی)وزیر صحت پنجاب ڈاکٹریاسمین راشدنے یوم دفاع کے موقع پر اپنے پیغام میں کہا ہے کہ آج کے دن پاک فوج کے عظیم شہداء کو خراج عقیدت پیش کرتے ہیں۔آج وطن عزیزکی خاطراپنی جانوں کا نذرانہ دینے والے قوم کے سپوتوں کو خراج تحسین پیش کرنے کا دن ہے۔پاک فوج کے شہیدوں نے اپنے پاک خون سے اس ملک کی تاریخ لکھی ہے۔صوبائی وزیر صحت ڈاکٹریاسمین راشدنے پاک فوج کے جام شہادت نوش کرنے والے عظیم سپوتوں کے والدین کو خراج تحسین پیش کرتے ہوئے کہاکہ پاک فوج کے جوانوں نے وطن عزیزکی خاطر ہمیشہ اپنے سینوں پرگولیاں کھائی ہیں۔آج ملک سیلاب کی ہولناک تباہ کاریوں کاشکارہے۔ہرمشکل وقت میں قوم نے بڑھ چڑھ کرساتھ دیاہے۔ڈاکٹریاسمین راشدنے کہاکہ ہمارے سپاہیوں نے6ستمبر1965میں دشمنوں کے ناپاک ارادے خاک میں ملادئیے۔آج کے دن ہم اپنے شہدا اور غازیوں کو سلام پیش کرتے ہیں۔پاک فوج کا ہر جوان وطن عزیزکی خاطر قربانی کاجذبہ رکھتاہے۔