اسلام آباد (این این آئی)سلامتی کونسل کے مستقل رکن ملکوں کے سفیروں کو دفتر خارجہ میں بریفنگ دی گئی ۔ ترجمان دفتر خارجہ کے مطابق سفیروں کو پاکستان کے خلاف بھارتی دہشتگردی کے ثبوتوں پر مبنی ڈوزئیر دیا گیا۔ترجمان کے مطابق بھارت پاکستان کو عدم استحکام سے دو چار کرنے کی سازش کر رہا ہے۔ ترجمان دفتر خارجہ نے کہاکہ بھارتی مہم جوئی اور اقدامات سے امن کو خطرات لاحق ہیں۔ترجمان دفتر خارجہ کے مطابق پاکستان نے بھارتی ریاستی دہشت گردی پر مبنی ڈوزئیر پت بھارتی وزارت خارجہ کے جواب کو مسترد کر دیا۔ترجمان دفتر خارجہ نے کہاکہ پاکستان سختی سے بھارتی وزارت خارجہ پاکستان کی جانب سے مہیا کردہ شواہد کی تردیس کو مسترد کرتا ہے۔زاہد حفیظ چوہدری نے کہاکہ بھارت ہمیشہ کی طرح دیدہ دلیری سے دوبارہ من گھڑت موقف اپنایا ہے،اندھی تردید اور پرانے الزامات دہرانے سے حقائق تبدیل نہیں ہو سکتے۔ترجمان کے مطابق پاکستان کی جانب سے پیش کردہ ڈوزئیر بھارت کی پاکستان کے خلاف دہشتگردی کی منصوبہ بندی, معاونت, اکسانے, مالی امداد اور تخریب کاری کو تکمیل تک پہنچانے کی تفصیلات پیش کرتا ہے۔ زاہد حفیظ چوہدری نے کہاکہ 2001 سے اب تک پاکستان نے اپنی سرزمین پر 19ہزار دہشت گرد حملوں کا سامنا کیا۔
