اسلام آباد (این این آئی)سیلاب متاثرین کے لیے کنگ سلمان ریلیف سینٹرکی طرف سے مزید 2طیارے 60 ٹن امدادی سامان لے کر کراچی پہنچے ڈائریکٹر کنگ سلمان ہیومینیٹرین ایڈ اینڈ ریلیف سنٹر پاکستان نے امدادی سامان ایم ڈی ایم اے کے حوالے کیا۔طیاروں میں غذائی اور غیر غذائی اشیاء کے علاوہ کھجوریں، کمبل اور خیمے شامل ہیں جو حکومت کے تعاون سے پاکستان کے متعدد علاقوں میں ہر علاقے کی ضروریات کے مطابق متاثرہ افراد میں تقسیم کیا جائیگاجس سے ہزاروں مستفید ہوں گے طیاروں کی آمد کا یہ سلسلہ مزید 5 دنوں تک جاری رہے گا۔
