لاہور( این این آئی)پاکستانی ڈرامہ انڈسٹری کی معروف اداکارہ نمرہ خان کی دلچسپ ویڈیو سوشل میڈیا پر وائرل ہوگئی۔فوٹو اور ویڈیو شیئرنگ ایپ انسٹاگرام پر نمرہ خان نے ویڈیو شیئر کی جس میں دیکھا جاسکتا ہے کہ وہ ہاتھوں کی مدد سے منفرد کرتب دکھا رہی ہیں۔اداکارہ کی ویڈیو کو مداحوں اور ساتھی اداکاروں نے بھی بہت پسند کیا ۔ نمرہ نے چند گھنٹوں قبل یہ ویڈیو شیئر کی جسے اب تک ہزاروں صارفین دیکھ چکے ہیں اور اس پر اپنی رائے بھی دے رہے ہیں۔واضح رہے کہ نمرہ سوشل میڈیا پر کافی متحرک رہتی ہیں اور اکثر و بیشتر اپنی مزاحیہ ویڈیو شیئر کرتی رہتی ہیں۔
