اسلام آباد (این این آئی)وفاقی وزیر شیری رحمان نے کہا ہے کہ سیاسی ہلچل میں ہمیں سیلاب زدگان کو نہیں بھولنا چاہیے۔سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں وفاقی وزیر شیری رحمان نے لکھا کہ سیاسی ہلچل میں ہمیں سیلاب زدگان کو نہیں بھولنا چاہیے۔ انہوںنے کہاکہ ابھی بھی کئی علاقے زیر آب ہیں جس کی وجہ سے لوگ واپس اپنے گھروں کی طرف نہیں جا سکتے۔ سردیوں میں ان لوگوں کو پناہ اور گرم کپڑوں کی شدید ضرورت ہوگی۔ مخیر حضرات سمیت تمام پاکستانیوں سے درخواست ہے کہ سیلاب زدگان کی امداد کیلئے آگے آئے۔ ہمیں سیلاب زدگان کو تنہا نہیں چھوڑنا چاہیے۔
