اسلام آباد (این این آئی)وزیراعظم شہباز شریف نے وفاقی دارالحکومت اسلام آباد میں بارہ کہو بائی پاس منصوبے کا سنگ بنیاد رکھ دیا۔جمعہ کو شہباز شریف اسلام آباد میں بارہ کہو بائی پاس کے سنگِ بنیاد کی تقریب میں شرکت کیلئے پہنچے، جہاں سنگ بنیاد رکھنے کی تقریب سے خطاب کے دوران وزیراعظم شہباز شریف نے کہاکہ بارہ کہو مری روڈ پر گھنٹوں ٹریفک جام رہتا ہے اس منصوبے سے بارہ کہو شہر میں ٹریفک کا رش ختم ہوگا۔وزیراعظم کے مطابق 5.4کلو میٹر طویل منصوبیکو 4 ماہ کی ریکارڈ مدت میں مکمل کرنے کا ہدف ہے، بارہ کہو بائی پاس منصوبے کا کنٹریکٹ شفاف بولی کے ذریعے ایل سی کو دیا گیا۔شہباز شریف نے کہاکہ ایل سی کو ہدایت دی گئی ہیں کہ وہ اس منصوبے کو 3 ماہ میں مکمل کرے تاہم منصوبے کی کوالٹی انتہائی معیاری ہونی چاہیے۔وزیر اعظم نے کہا کہ بارہ کہو بائی پاس منصوبہ ساڑھے پانچ کلو میٹر طویل ہوگا ایسے منصوبے 3 ماہ کے بجائے ڈیرھ میں ماہ مکمل ہوتے رہے ہیں ۔
