اسلام آباد(این این آئی)برطانیہ نے پاکستان میں سیلاب متاثرین کی امداد اور بحالی کیلئے 10 ملین پائونڈ کی اضافی امداد کا اعلان کیا ہے۔میڈیا رپورٹ کے مطابق برطانیہ پاکستان کو سیلاب کی تباہ کاریوں سے نمٹنے کیلئے اضافی 10 ملین پائونڈ فراہم کریگااضافی امداد کے سلسلے میں جاری بیان میں کہا گیا کہ برطانیہ تباہ کن سیلاب کے بعد پاکستان کو مزید انسانی امداد فراہم کر رہا ہے۔ پاکستان میں تباہ کن سیلاب سے ایک ہزار سے زائد افراد جاں بحق اور 33 ملین سے زائد افرادمتاثر ہوئے ہیں۔ومبلڈن کے ایف سی ڈی او منسٹر لارڈ طارق احمد نے مزید 10 ملین پائونڈ کی انسانی امداد کا اعلان کیا ہے جس سے برطانیہ کی جانب سے دی گئی کل امداد 26.5 ملین پائونڈ ہو گئی ہے۔ اضافی امداد فوری طور پر زندگی بچانے کی ضروریات پر خرچ کی جائے گی، جس میں پانی سے پیدا ہونے والی بیماریوں سے بچنے کے لیے پناہ گاہیں، پانی اور صفائی ستھرائی کی فراہمی شامل ہیں۔
